Saanvad karo Vivaad nhi…

Agar aap #CAA ko lekar debate yaa protest kar rhe hai aur aapka point yeh hai Ki Sri Lanka ke Tamilians ko Kyun bhul gye Yaa Rohingya ka kya hoga, toh aap bas vivaad karna chahte hai aur democracy, mere hisaab sey, vivaad sey nhi sanvaad sey chalti hai. Kyunki main sure hun agar CAB main pehle sirf Rohingya aur Sri Lanka Ki zikar karte toh aap Phir vivaad karte Ki Pakistan ke hindu o ka kya. Aap koi bhi project shuru karte ho toh pehle pilot scale pey implement karte ho, phir agar Woh successful hota hai toh aap large scale pey implement karte ho uss project ko.

Ab Ek qissa sunata Hun, dhyan sey sunna aur samajne Ki koshish karna:

Imagine karo Class A main 30 bacche hai, 30 iski maximum capacity hai, Iss class main 25 hindu hai aur 5 Muslim hai, Iss class ke teacher Muslim hai, Iss class pey 15 bench hai aur har bench pey sirf 2 jan hi comfortably baith sakte hai, ab ek din class teacher ne notice kiya Ki last bench pey 3 jan baithe hai aur class main 31 students ho gye hai, toh class teacher ne last bench pey baithe uss Naye bacche sey pucha Ki bèta aap toh iss class ke nhi ho, toh usne kaha Ki sir main class B ka student Hun, aur mere class main 28 hindu hai aur 2 Muslim hai and main Muslim Hun and Mujhe waha maara peeta jaa rha tha, toh Isiliye main waha sey bhaag ke class A main aa gya. Teacher ne uski baat suni aur Phir kaha Ki thik hai beta ab sey aap isi class ke student ho. Yeh faisla Sun ke last bench ke 2 student, Ek hindu aur Ek Muslim, ne protest kiya Ki sir yeh galat hai, baki ka pta nhi but yeh student hamare bench pey baithe ga and hamare bench pey toh bas 2 hi jan comfortably baith sakte hai toh aap Iss Naye bacche ke liye hamari comfort ko Kyun khatam kar rhe ho. Unhone Ek aur baat uthayi, unhone kaha Ki sir pehle aap 30 baccho pey dhyan de rhe the, ab aapko 31 baccho pey dhyan dena padega, isse aapki efficiency thori si ghategi toh iss Naye bacche ke liye ham sab Kyun suffer karein.

Iss dono baccho Ki protest dekh ke Ek aur bench ke bacche, Ek hindu aur Ek Muslim, protest karne lage, Ki sir aap aise kaise class B ke uss Muslim ko allow kar diye, kya aapko pta nhi hai, Class C main 26 Muslim aur 4 hindu hai, and waha Ek hindu ko maara peeta jaa rha hai, aap usko Kyun nhi allow kar rhe ho hamare class main. Aap toh fascist ho, Aap khud Ek Muslim hai and aapne Isiliye iss bacche ko allow kiya kyunki Woh whi Muslim hai, Iska Matlab aap communalism ko badhawa de rhe ho.

Now ask yourself which protest is right and which is wrong.

Dekhiye aap aur ham Bohut privileged log hai, Isiliye ham debate kar paa rhe hai.

Aap kehte ho dharam ke naam pey citizenship mat do, main kehta Hun citizenship hi mat do.

Aap puch rhe ho Ki sirf hindu o ko Kyun de rhe ho, main puch rha hun hindu o ko bhi Kyun de rhe ho?

Mera point Bohut simple hai, mere Ghar main 5 log rehte hai, aur mere Ghar main 4 logon Ka hi khana ban paata hai, toh meri pehli koshish yeh honi chahiye Ki 5 o ko bhar pet khana kaise milein, naaki yeh Ki pados main jo log marr rhe hai unko apne Ghar pey Jagah kaise de.

Haa meri Sarkar galat hai, par agar aap dusre point pey protest kar rhe ho toh aap bhi utne hi galat ho aur 2 galat milke Ek Sahi nhi ho jaata.

So if I have to put it in this way, not every barking dog is a voice of revolution. Some are just hungry, for attention. The real revolution lies in mutual respect, conversation, and solutions.

P.S. Mere dost vivaad sey Aaj tak kuch hal nhi hua, sahi chiz ko lekar sanvaad karon kyunki agar tum genuinely chahte ho Ki desh badle toh actual problem ko lekar sanvaad karo vivaad nhi.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s